Tag Archives: Magazetini

Magazetini Jumatatu: Uhuru, Raila wanapanga muungano kama Narc


Na Collins Oluyali

Magazeti ya leo yanaangazia pakubwa siasa za 2022 huku upande wa upinzani ukibuni mikakati kabambe ya kutwaa ushindi.

Magazeti haya pia yanaripoti kuhusu ukaguzi wa mali ya maafisa wa serikali huku Seneti ikipanga kujadili mswada huo.

Daily Nation

Kulingana na gazeti hili, rais Uhuru Kenyatta na mwenzake wa kinara wa ODM Raila Odinga wako kwenye mpango wa kubuni mrengo wa kisiasa utakaotumika katika uchaguzi wa urais wa 2022.

Wawili hao watatumia wazo la mrengo wa Rainbow ambao rais mstaafu Mwai Kibaki alitumia kutwaa mamlaka 2002.

Mrengo huo unapania kuzima ushawishi wa naibu rais Willam Ruto ambaye anaonekana kuwa tishio kwenye mbio hizo za kuwania urais.

Chama tawala cha Jubilee na upinzani ODM vinafanya mazungumzo ya kuhakikisha wanashinda kiti cha urais.

Vyama hivyo, katika kampeni zao, vinalenga mambo matatu yaliyotumiwa na Narc mwaka 2002, ambayo wanatumainia yatakuwa ya maana katika uchaguzi ujao.

The Standard

Katika gazeti hili, Ruto alianza kampeni baada ya serikali ya Jubilee kumtema.

Katika kampeni zake za miaka miwili, Ruto ameweza kuteka maeneo ambayo yana ukwasi wa kura hususan Mlima Kenya.

Kampeni zake zimekuwa zikimuweka kifuambele dhidi ya mahasidi wake wanaomezea mate kiti cha urais.

Hata hivyo, bahati ya Ruto inaonekana kudidimia baada ya hasidi wake mkubwa Raila kuanzisha kampeni ya ‘Azimio La Umoja’ ambazo zimekuwa zikiwavizia wapiga kura.

Kampeni za Raila zimeonekana kuzima juhudi za Ruto.

Kutokana na hayo, The Standard inashangaa iwapo Ruto atakuwa akiongoza mbio ama kuwa mdhibiti wa mbio.

Lakini Ruto anaonekana kutokata tamaa huku akivamia ngome za Raila hivi majuzi akizuru eneo la Pwani.
People Daily
Mswada mpya umewasilishwa katika Bunge la Seneti ambao utawalazimu maafisa wa serikali na jamaa zao mali zao kukaguliwa.

People Daily

Mswada mpya umewasilishwa katika Bunge la Seneti ambao utawalazimu maafisa wa serikali na jamaa zao mali zao kukaguliwa.

Mswada huo kwa sasa upo kwenye hatua ya pili na unatarajiwa kujadiliwa Jumanne, Oktoba 19.

Iwapo mswada huo utapitishwa, maafisa wote wa serikali, akiwemo rais na naibu wake, ni lazima mali zao zitakaguliwa na kuwekwa wazi.

Taifa Leo

Taifa Leo linaripoti kuwa vijana wanawakaidi wazee katika chaguo lao kuelekea chaguzi za 2022.

Wazee katika maeneo tofauti wamekuwa wakitoa kauli zao kuhusu ni nani wanapendelea kuwa rais.

Kwa mfano katika baraza la wazee la Muyoot la Kalenjin limegawanyika katika kumchagua Ruto.

Katika eneo la kati mwa Kenya, mgawanyiko huo umekuwa ukishuhudiwa huku wakiwateua wagombeaji wao.

Baadhi yao wamemteua Spika Justin Muturi, wengine wakimuunga mkono Ruto wengine wakimuegemea kinara wa ODM Raila Odinga.

The Star

Raila atarejea katika eneo la Mlima Kenya kutafuta uungwaji mkono.

Kinara wa ODM atatua katika kaunti za Tharaka Nithi, Meru na Embu.

Raila atapokelewa na magavana watatu Muthomi Njuki (Tharaka Nithi), Kiraitu Murungi (Meru) na Martin Wambora(Embu) .

Waziri wa Kilimo Peter Munya pia anatazamiwa kuandamana na Raila wakati wa ziara hiyo.

Hata hivyo, kuna uwezekano Munya atasusia mkutano huo sababu ya uhasama wake na Kiraitu.

Magazetini Ijumaa: Ruto anapoteza umaarufu Mlima Kenya


Na Collins Oluyali

Magazeti ya Ijumaa yanaangazia taarifa kadhaa ikiwemo ubabe wa kisiasa kati ya naibu rais William Ruto na kinara wa ODM Raila Odinga eneo la Mlima Kenya.

Kuna taarifa pia kuhusu mauaji ya mwanariadha Agnes Tirop ambaye alipatikana amedungwa kisu katika kile kinaaminika kuwa mzozo wa kimapenzi.

The Star

The Star imefanya utafiti kutathmini mgombea wa urais aliye maarufu zaidi katika eneo la Mlima Kenya.

Utafiti huo unaonyesha Ruto angali ana wafuasi wengi eneo hilo baada ya kuzoa asilimia 57 ya waliohojiwa.

Asilimia 11 wanaunga mkono kinara wa ODM Raila Odinga.

Hata hivyo, utafiti huo unaonyesha umaarufu wa DP unashuka tangu Raila aanze kampeni katika eneo hilo.

People Daily

Taarifa kuu hapa ni kuhusu Raila Odinga ambaye anaonekana kupata nguvu mpya katika safari ya kuelekea Ikulu.

Raila ameanza mikakati mipya ikiwemo kukutana na washikadau muhimu katika kutafuta kura za kutosha kumtangaza rais 2022.

Aidha ni wazi sasa kuwa serikali iko nyuma ya Raila, jambo ambalo linampa nguvu ya kuvuma kisiasa.

Kuna taarifa pia kuhusu kutupwa nje kwa kadi ya Huduma na mahakama ikisema sheria haikufuatwa.

Serikali ilitumia mabilioni ya fedha katika kuwasajili Wakenya lakini korti ilisema hakuna sheria ya kulinda deta za watu.
Standard

The Standard

Familia ya mwanariadha Agnes Tirop inaendelea kuomboleza kifo chake huku mamake akisema binti huyo aliwatembelea siku tatu zilizopita kabla ya kupatikana ameuawa.

“Tulikuwa nyumbani Jumapili Oktoba 10 na kisha akaondoka ili kuanza mazoezi yake kule Iten. Alikuwa ameleta karo ya ndugu zake watano kwa sababu shule zinafunguliwa,” mamake alisema.

Ametaka mkono wa serikali kuhakikisha kuwa familia yake inapata haki kwa kuwajibisha waliohusika.

“Nataka kujua ni kwa nini akamuua msichana ambaye amesaidia watu wengi hivi,” mamake alisema.

Tayari makachero wa DCI wamemtia mbaroni mumewe ambaye anadaiwa alihusika katika mauaji hayo.
Nation

Daily Nation

Jarida hili limezamia taarifa za mauaji ya Tirop ikiibuka mumewe alikuwa akimpa kichapo kwa mujibu wa dadake.

Kulingana na dadake, Tirop aligombana na mumewe siku ambaye alirejea nchini kutoka Tokyo na ilikuwa wazi kuwa ndoa yao ilikuwa na masaibu.

Aidha, licha ya mwili wake kupatikana Jumatano Oktoba 13, polisi wanachunguza iwapo huenda aliuawa Jumatatu usiku.

Magazetini Jumatano: Kenya yapinga uamuzi kuhusu mpaka na Somalia


Na Collins Oluyali

Magazeti ya Jumatano yana taarifa kuhusu masaibu yanayokumba chama cha Jubilee kinachoongozwa na rais Uhuru Kenyatta.

Magazeti haya pia yana taarifa kuhusu uamuzi wa mahakama ya ICJ kuhusu mzozo wa mpaka kati ya Kenya na Somalia.

People Daily

Mahakama ya Umoja wa Mataifa (UN) ilitoa uamuzi wake kwenye mzozo wa mpaka kati ya Kenya na Somalia baada ya kikao cha majaji huko Hague.

Somalia ilishinda kesi hiyo na sasa Kenya huenda ikapoteza kilomita kadhaa kwenye bahari katika mpaka wake na Somalia.

Somalia ndiyo ilifika kwenye mahakama hiyo mwaka wa 2014 baada ya kudai Kenya imenyakua sehemu yake.

Ni uamuzi ambao tayari umemkera rais Uhuru Kenyatta na kusema Kenya haiwezi kukubaliana nao.

Katika uamuzi wake, mahakama iligawa sehemu yenye utata mara mbili na Somalia inadaiwa kufaidika pakubwa na sehemu iliyo na ukwasi wa mafuta na samaki.

The Star

Mhariri wa The Star imeipa kipau mbele taarifa kuhusu chama cha Jubilee ambacho kimekumbwa na masaibu na sasa kinapanga kuwafuta kazi maafisa wake kadhaa.

Jubilee imekuwa ikiisha makali tangu mzozo wa uongozi uibuke kati ya kambi zinazoegemea upande wa rais Uhuru Kenyatta na naibu wake William Ruto.

Magazetini Jumatatu: Wanaopigiwa debe kumrithi Uhuru kutoka Mlima Kenya


Na Collins Oluyali

Magazeti ya Jumatatu yanagusia shughuli kabambe katika eneo lenye ukwasi wa kura la Mlima Kenya huku wagombeaji wakuu wa urais wakiendelea kukita kambi eneo hilo kuwinda kura.

Magazeti haya pia yanaripoti kupungua kwa umaarufu wa rais Uhuru Kenyatta katika eneo hilo.

The Standard

Kulingana na gazeti hili, eneo la Mlima Kenya halitawaunga mkono wagombeaji waliokita kambi eneo hilo wakitaka kumrithi Uhuru ambaye anakaribia kustaafu.

Kwa muda mrefu sasa, wagombeaji wakuu wa urais 2022 wamekuwa wakikita kambi katika eneo hilo kutafuta uungwaji mkono.

Kumekuwa na dhana kuwa hakuna kiongozi kutoka eneo hilo aliyetosha kwa sasa kuchukua kiti hicho kutoka kwa Uhuru.

The Standard limeangazia misingi ambayo eneo hilo litatumia kuwafungia wagombea wa nje na kumuunga mkono mgombea wao katika uchaguzi mkuu ujao.

Huku wakfu wa wafanyibiashara kutoka Mlima Kenya wa Mount Kenya Foundation ukiahidi kuunga mkono mgombea wa upinzani, bado kundi hilo linaweza kumshawishi mgombea wao kumrithi Uhuru.

Miongoni mwa wale waliopendekezwa ni Waziri wa Afya Mutahi Kagwe, Spika wa Bunge la Kitaifa Justin Muturi, na kiongozi wa Narc Kenya Martha Karua.

Mt Kenya inajivunia jumla ya wapiga kura milioni 7 na linalenga kuwasajili wapiga kura milioni 9 katika zoezi linaloendelea.

Daily Nation

Kulingana na gazeti hili, Uhuru yuko njia panda huku macho yote yakielekezwa kwake akitarajiwa kumtaja mrithi wake 2022.

Rais amekuwa akisema kuwa atawacha taifa hili katika mikono salama bila kutaja ni nani atakuwa mrithi wake.

Wandani wa karibu wa Uhuru wamekuwa wakidokeza kuwa kiongozi wa ODM Raila Odinga ambaye alikiri anajifunza kukwea mlima.

Lakini bado rais hajataja anamuunga nani mkono kuwa mrithi wake.

Hata hivyo, wanasiasa wa Mt Kenya wanaomuegemea naibu rais William Ruto wamemuomba asusie siasa za urithi na kuwacha eneo hilo kuchagua kiongozi wao bila kushawishika.

Je, una taarifa muhimu ungependa ichapishwe na Lugari Daily? Wasiliana nasi katika barua pepe lugaridaily@gmail.com.